Sa panahon ng Tekken 8 Closed Network Test, ipinakita ng legendary pro player na si Bae “Knee” Jae-Min ang lakas ng 50-50 mix up ni Paul, pati na rin ang sobrang lakas na advantage ni Leroy gamit ang bagong Heat System.
Sa isang kamakailang tweet, nag-post ang kampeon ng EVO ng isang video kung saan siya ay nanalo laban sa isang kalaban online sa pamamagitan ng paulit-ulit na paggamit ng mga galaw ni Paul at Leroy. Sinabi rin ng propesyonal na manlalaro na hindi kinakailangan ang mga kombinasyon sa kasong ito.
- Ayon kay Anakin, ito ang best character sa Tekken 8 CNT
- Handa na ba ang gaming setup mo? Tekken 8 PC system requirements inanunsyo na
Ginamit ni Knee ang Heat System para sa 50-50 ni Paul
Sa unang bahagi ng video, ipinakita ng Korean legend kung paano niya ipinanalo ang buong laban gamit lamang ang Demo Man ni Paul (d+4,2:1+2) at Phoenix Smasher (qcf+2), at gumamit lamang ng combo kapag nagkakaroon ng pagkakataon.
Upang mag-set up ng 50-50 mix up, ginamit niya ang Heat System upang makakuha ng offensive advantage. Ginamit niya ang Stone Lion (f+4) at Phoenix Hook, Tiger Claw (f+2), ang mga bagong karagdagang galaw sa arsenal ni Paul, bilang kanyang Heat Engagers, at tinapos ang laban na may dalawang Perfect rounds.
Ginamit ni Knee ang chip damage ng Heat System kay Leroy
Isa sa mga features ng Heat System ay ang kakayahan nitong magdulot ng damage sa isang kalaban na naka-guard, bagamat maaring ma-recover, ang nawalang health ay maaring lang mabawi kung ang kalaban ay sasagot ng opensa.
Bukod pa rito, ang Heat Timer ay nag-extend habang patuloy na umaatake ang gumagamit nito, na nagiging pabor para sa mga poke-heavy characters tulad ni Leroy.
Ito mismo ang ginawa ng Tekken pro ng ROX Dragon nang siya ay mag-activate ng Heat gamit ang Grandmaster of Drip. Sa pamamagitan ng paulit-ulit na paggamit ng Chain Punch (1+2,1+2), ang Tekken legend ay nakapagbigay ng damage na katumbas ng kalahati ng life bar ng kanyang kalaban, at sa parehong pagkakataon ay mas pinatagal ang kanyang Heat State na halos 30 segundo.
Para sa iba pang balita at guides tungkol sa gaming at esports, i-like at i-follow ang ONE Esports Philippines sa Facebook.
READ MORE: Tekken 8 Heat System: Heat State, enhanced moves, at iba pa
