Imporante ang bawat segundo sa Tekken 8 battles, at bawat desisyon ay may epekto sa resulta ng match.
Pwede mo nang tignan muli ang mga recorded matches mo at kumuha ng mga mahahalagang insights sa gameplay salamat as Tekken 8 replay feature na ito para mas humusay ka para sa susunod mong match.
- Arslan Ash kinuha ang kanyang ika-4 na titulo sa Evo gamit si Kunimitsu
- Knee nanalo gamit lamang ang 2 moves sa pamamagitan ng bagong Tekken 8 Heat System
Pwede mo nang maranasan muli ang iyong mga nakaraang matches dahil sa bagong Tekken 8 replay feature
Ang bagong bersyon ng feature, ang My Replay and Tips, ay isang game-changer na naghahatid sa mga players ng pagkakataon bumalik sa kanilang mga nakaraang matches at maranasan muli ang mga importanteng sandali mula sa panibagong perspective. Isipin mo, maari mong ma-rewind at ma-kontrol ang iyong character muli sa replay sa loob ng 10 segundo.
Binibigyan ng feature na ito ang mga players ng oportunidad ma-analyze ang kanilang mga desisyon, baguhin ang kanilang stratehiya, at maka-diskubre ng mas magandang paraan para gumanti sa iba’t-ibang in-game situations.
Isa sa mga pinaka-exciting na aspeto ng replay feature na ito ay ang abilidad nito magbigay ng payo pagdating sa blocked moves at moves na maari mong maiwasan. Tulad ng nakaraang bersyon, pinaghalo ng replay feature ang real-time analysis at payo sa replay system, para magbigay ng tips tungkol sa combo at throw escapes. Ibig sabihin ay habang ikaw ay nanonood sa iyong gameplay, magbibigay ng tips at mga rekomendasyon ang laro kung paano mo pwedeng ma-improve ang iyong performance.
Maraming bentahe ang feature na ito. Kung beteranong Tekken player ka man o newcomer sa franchise, para sa lahat ng skill levels ang bagong feature na ito. Para sa mga may experience na, naghahatid ito ng oportunidad ma-refine ang skills nila, habang nagbibigay naman ito ng krusyal na insights para sa mga baguhan.
Klaro na isang game-changing addition ang My Replay and Tips feature sa Tekken franchise, ngunit lampas pa sa serye ang epekto nito. Naghahatid ito ng panibagong standard, kung saan ang mga inobasyon sa gameplay analysis at coaching ay may kakayahang maiangat ang player experience.
Sundan ang ONE Esports Philippines sa Facebook para sa karagdagang balita tungkol sa Tekken.
BASAHIN: Tekken 8 release date inanunsyo sa Gamescom, 6 legacy characters kumpirmado
