Sa Gamescom 2023 Opening Night Live, naglabas ang Bandai Namco ng mahalagang pahayag tungkol sa Tekken 8 release date.
Sa pinakabagong preview, ipinakita na ang Tekken 8 ay ilalabas sa January 26, 2024, sa mga platforms kabilang ang PC, PS5, at Xbox Series X/S.
Sa bagong trailer, ipinakita ang isang bagong single-player mode na tinatawag na Arcade Quest. Ito’y idinisenyo upang maiparamdam ang alaala ng panahon ng mga arcade, kung saan pinapayagan ang mga manlalaro na makipaglaban sa mga kaibigan at ibang tao sa kanilang mga lokal na gaming establishments.
- Handa na ba ang gaming setup mo? Tekken 8 PC system requirements inanunsyo na
- Ayon kay Anakin, ito ang best character sa Tekken 8 CNT
6 legacy characters kinumpirma kasabay ng pag-anunsyo ng Tekken 8 release date
Bukod sa matagal nang hinihintay na release date, kinumpirma rin ng bagong trailer ng game ang pagkakasama ng ilang mga legacy characters sa ilalabas na roster ng fighting game.
Ang mga fan favourites na ito ay kinabibilangan nina Shaheen, Steve Fox, Dragunov, Leo, Yoshimitsu, at Kuma. Ang mga moveset at gameplay ng bawat character ay malamang na ihayag kasabay ng paglabas ng official announcement ng bawat isa.
Inanunsyo ang Tekken 8 noong September 2022 sa pamamagitan ng isang live presentation sa PlayStation State of Play. Ang game na ito ay nakatakdang ilabas sa PS5, Xbox Series X/S, pati na rin sa PC gamit ang Steam platform.
Para sa iba pang balita at guides tungkol sa gaming at esports, i-like at i-follow ang ONE Esports Philippines sa Facebook.
READ MORE: Tekken 8 Heat System: Heat State, enhanced moves, at iba pa
