Listahan ng mga Valorant Champions 2022 watch party streams: TenZ, Shroud, Tarik, at iba pa

Inilabas na ng Riot Games ang listahan ng mga streamers na magkakaroon ng sarili nilang official Valorant Champions 2022 watch party.

Ang mga pinakamalalaking pangalan sa Valorant, kabilang sina Tyson “TenZ” Ngo, Michael “Shroud” Grzesiek, Tarik “Tarik” Celik, at Shahzeb “ShahZaM” Khan ay makakasama sa pag-co-stream ng event.

Maraming pagpipilian ang mga North American fans pagdating sa mga streamers na nais nilang mapanood sa Valorant Champions 2022. Sina Jacky “Stewie2K” Yip, Sam “s0m” Oh, Spencer “Hiko” Martin, Yassine “Subroza” Taoufik, Andrej “babybay” Francisty, at Melanie “mel” Hoi-San Man ay magbo-broadcast ng mga matches sa kani-kanilang mga streams.

Ang co-streaming ay nakakatulong sa game na makarating sa mga fans ng mga malalaking streamers upang mas mapalawak ang reach nito. Sa kaso ng Valorant, ang mga gamers ay nag-uumpukan sa kanilang mga paboritong streamers upang malaman ang kanilang kakaibang perspective sa game at makisali sa mga talakayan tungkol sa bawat match.

Higit sa lahat, hinihikayat nito ang pagbuo ng isang community na nakasentro sa isang loyal at dedicated na fan base. Sa mga streamers mula sa iba’t ibang rehiyon ng VCT na nagho-host ng sarili nilang watch party, pwedeng magtipon-tipon ang mga fans upang mag-cheer para sa kanilang team.

Listahan ng mga Valorant Champions 2022 watch party

Tampok sa listahan ang maraming streamers mula sa iab’t ibang rehiyon. Ang Filipino player na si Jayvee “DubsteP” Paguirigan ng Team Secret, dating M3 Champions Russian star na si Ayaz “nAts” Akhmetshin, pati na rin ang dating coach ng Team Liquid na si Connor “Sliggy” Blomfield ay nakatakdang mag-host ng sarili nilang watch party.

Kung ang hanap mo ay ang mga mas pamilyar na mukha, nasa listahan din sina Oscar “mixwell” Cañellas Colocho ng G2 Esports at  Jonas “AverageJonas” Navarsete ng Team Liquid.

Ang fan-favorite watch party streamer na si Kyedae “Kyedae” Shymko ay hindi muna magko-co-stream sa pagkakataong ito.

Gayunpaman, meron pa ring mahigit 128 co-streams na pagpipilian ng mga fans, kaya pumili ka na!

Bukod dito, mapapanood din ang lahat nang Valorant Champions 2022 matches sa opisyal na Valorant Twitch and YouTube channels pag nagsimula na ang group stage ng tournament sa August 31.

Para sa iba pang balita tungkol sa gaming at esports, i-like at i-follow ang ONE Esports Philippines sa Facebook.