Ibinunyag ni retired OG offlaner Sebastien “Ceb” Debs na si Team Secret captain-hard support Clement “Puppey” Ivanov ang Greatest of All Time o G.O.A.T sa kasaysayan ng Dota 2 professional scene.
Ito ang sinabi ng two-time The International (TI) champion sa isang Twitch stream kamakailan. Ipinaliwanag din ng French star kung bakit ang Estonian legend ang napili niya bilang GOAT ng isa sa pinakasikat na esports title sa mundo.
Sa mga mata ni Ceb, si Puppey ang all-time best player ng Dota 2
Habanbg nag-i-stream kasama si Team Liquid streamer at dating midlaner na si Max “qojqva” Brocker, binigyang papuri ni Ceb si ang beteranong kapitan ng Team Secret.
Sinabi ng former OG coach at player na manghang-mangha siya sa TI1 champion dahil lagi itong nagpapakita ng magandang performance sa mga torneo kahit pa hindi na siya isang batang manlalaro.
“It doesn’t feel like Puppey can get burned out, even though of course he can… Puppey is so good. He is so skilled as (position) five, it’s crazy,” wika ni Ceb.
“And also, he has never been carried. What I mean is that a lot of players at some point start being a little worse but it doesn’t show as much because they are so smart about the game. But for him, he is smart about the game of course, but he never got carried. He is delivering just every game,” dagdag pa niya.
Ipinahayag din ni Ceb na si Puppey ang isa sa mga naging inspirasyon niya noong nagsisimula pa lang siya sa Dota 2. Kaya naman kung papipiliin siya kung sino ang G.O.A.T, isa lang ang kanyang sagot.
“If I had to name a G.O.A.T, I’d probably name Puppey. That’s how I feel,” saad niya.
“To me, it’s just like, I started Dota, he was already Puppey, you know. Truly man. I would fanboy to Puppey when I started Dota. I would meet him and there weren’t pubs back then, leagues and stuff, and I was like, ‘Holy sh*t it’s Puppey.’ So, he was already Puppey, he was already crushing everybody, winning every tournament and stuff. This guy is a legend.”
Ang 32-year-old pro ang natatanging Dota 2 player na nakadalo sa lahat ng sampung edisyon ng The International. Bukod dito, siya lang din ang nag-iisang player na nakapagtapos sa lahat ng place sa pinakamalaking torneo ng naturang laro sa buong mundo.
Kaya ‘di na rin kataka-taka na siya ang pinili ni Ceb, at maaari ng iba ring pro player, bilang G.O.A.T ng Dota 2.
Maari niyong i-like at i-follow ang ONE Esports Philippines sa Facebook para sa mga balita, guides at highlights patungkol sa Dota 2.
