Ano ang cheapest way para makuha ang mga Attack on Titan skins sa Mobile Legends: Bang Bang?
Dinetalye kamakailan lang ng Moonton Games ang kanilang unang kolaborasyon para sa 2024, kung saan nakipagtulungan sila sa kilalang manga at anime series na Attack on Titan, na nilikha ni Hajime Isayama.
Ang sikat na serye na ito ay nakakuha ng malaking papuri dahil sa kakaibang kwento nito, na naganap sa isang post-apocalyptic na mundo kung saan nagtatago ang tao sa likod ng matataas na pader upang maprotektahan ang kanilang sarili laban sa humanoid titans.
Ang matagal nang inaasam na crossover sa Mobile Legends: Bang Bang ay inaasahan na bibighani sa mga otaku na player ng MLBB, lalo na’t may pagkakataon silang maglaro bilang ang pangunahing tauhan ng serye tulad nina Eren Jager, Levi Ackermann, at Mikasa Ackermann.
Para sa mga tagahanga na nais malaman ang cheapest way para makuha ang mga pambihirang skins na ito, narito ang isang gabay na makakatulong sa inyo.
Ito ang cheapest way para makuha ang Attack on Titan skin sa Mobile Legends
Ang event, na magsisimula sa January 31, ay may tatlong exclusive skins.
Upang makuha ang mga collaboration skins, kailangan ng mga player na makalikom ng 1200 Wings of Freedom crests, na maaari nilang ipalit para sa mga skins o iba pang Attack on Titan rewards sa pamamagitan ng isang draw.
Ang mga options sa draw ay kinabibilangan ng 1x draw para sa 50 diamonds at 10x draw para sa 500 diamonds. Mayroon din discounted na daily 1x draw sa 45 diamonds at 10x draw sa 450 diamonds, na nagbibigay ng exclusive collaboration item.
Para sa mas cost-effective na approach, maaaring maghintay ang mga player para sa Premium Supply Event sa February 10 at February 24.
Sa panahong ito, ang pagtapos ng mga tasks tulad ng pag-recharge ng diamonds ay nagbibigay ng draw tickets sa mga player. Sa pamamagitan ng paggastos ng 250 diamonds, paglalaro ng ilang games, at pag-share ng event sa social media, maaaring makakalikom ang mga player ng 29 draw tickets bawat event.
Ang pagtapos ng parehong events ay nagbibigay ng kabuuang 58 draw tickets, na nag-aalok ng mas ekonomikal na option kumpara sa paggastos ng mahigit sa 2000 diamonds para sa 50 draw tickets sa karaniwang paraan.
Para sa iba pang balita at guides tungkol sa gaming at esports, i-like at i-follow ang ONE Esports Philippines sa Facebook.
BASAHIN: Paano mahanap ang tunay na unggoy sa Sun clones sa Mobile Legends
