Ang mga roaming equipment sa Mobile Legends: Bang Bang ay may natatanging roaming blessings — na bawat isa ay nagbibigay ng benepisyo para sa mayroon nito at sa kanilang koponan.
Ang mga roamer ay maaaring pumili sa isa sa apat na blessings na ito – Conceal, Encourage, Favor, at Dire Hit – depende sa kakayahan ng kanilang hero at sa anong kailangan ng kanilang koponan.
Upang buksan ang isang blessing, kinakailangan mong makalikom ng partikular na dami ng gold mula sa Thriving effect ng iyong roaming item o boots, na kadalasang makakamit sa bandang limang minuto ng game.
Habang patuloy kang kumikita ng gold mula sa Thriving, ang iyong napiling blessings ay magiging mas makapangyarihan, at ang maximum enhancement ay makukuha sa pagtungtong sa partikular na gold. Ang antas na ito ay maaaring maabot sa bandang 13 minuto ng game.
Benepisyo ng roaming blessings sa Mobile Legends at aling heroes ang sakto para dito
Conceal
Ang Conceal ang tanging aktibong roaming blessing sa Mobile Legends. Ito ay nagpapahintulot sa iyo at sa mga kalapit na kakampi na pumasok sa camouflage state sa loob ng limang segundo, kung saan hindi kayo halos makikita sa labanan.
Bukod pa rito, ito ay nagpapataas ng iyong movement speed, na nagbibigay-daan sa iyo upang mabilis na makaikot sa mapa at biglaang sumalakay sa mga kalaban.
Ito ay lubos na epektibo para sa mga roamer tanks o supports na may mabibigat na initiation skills.
Best heroes para gumamit ng Conceal
- Atlas
- Tigreal
- Khufra
- Franco
- Kaja
- Lolita
- Akai
- Minotaur
Kapag nasa camouflage state, hindi ka maaaring targetin ng mga basic attacks at mga single-target na mga spell, kaya’t ito ay isang magandang paraan ng pagtakas.
Mahalagang tandaan na ang pagbibigay o pagtanggap ng damage ay agad na magtatanggal ng camouflage state. Kaya’t dapat mong iwasan ang pagtanggap ng di-kinakailangang damage upang mapanatili ang elemento ng sorpresa.
Encourage
Ang Encourage ay nagbibigay ng karagdagang physical at magic attack sa iyo at sa mga kalapit na kasamahan. Bukod dito, ito ay nagbibigay pa ng karagdagang porsiyento ng attack speed, kaya’t ito ay isang mahusay na pagpipilian upang palakasin ang damage ng iyong koponan.
Piliin ang blessing na ito kung ikaw ay gumagamit ng isang hero na hindi kailangang mag-set up, at nais mong dagdagan ang damage ng iyong mga kasamahan sa mga team fight.
Best heroes para gumamit ng Encourage
- Hylos
- Gloo
- Faramis
- Carmilla
- Baxia
- Edith
- Gatotkaca
- Belerick
Favor
Ang Favor ay makakatulong sa iyo na magbigay ng mahalagang suporta sa iyong mga kasamahan upang mabuhay o magtagal pa sa mga clash.
Sa paggamit ng isang healing o shield na spell, ang Favor ay nagbibigay ng karagdagang HP sa isang kalapit na teammate na may pinakamababang HP (mapupunta ito sa sarili kapag ikaw ang may pinakamababang HP). Ito ay nagagamit kada ilang segundo.
Mahalaga ring tandaan na ang mga skill na nagkakabisa lamang sa sarili, tulad ng Frostmoon Shield ni Esmeralda at Ejector ni Jawhead, ay hindi makakapag-trigger ng Favor. Kaya’t dapat piliin ito kapag gumagamit ng mga hero na may mga healing o shielding na skill na tumutok sa mga kasamahan.
Best heroes para gumamit ng Favor
- Angela
- Estes
- Rafaela
- Mathilda
- Floryn
- Diggie
- Minotaur
Dire Hit
Ang Dire Hit ay makakatulong sa iyo na magdulot ng malaking damage sa mga kalaban na may mababang health. Kapag napili ito, ito ay nagbibigay-daan sa iyo na magdulot ng karagdagang damage sa mga kalaban na may mababang HP.
Ang dahilan ng pagiging mapanganib ng blessing na ito ay ang pagbibigay nito ng hybrid damage (kalahating magic at kalahating physical) na katumbas ng partikular na porsiyento ng max HP ng target. Ito ay maaaring ma-trigger gamit ang basic attacks o mga skill kada kalahating minuto.
Piliin ang blessing na ito kung ikaw ay gumagamit ng roamer-assassin o isang hero na nagdudulot ng malaking damage nang hindi masyadong umaasa sa mga offensive item.
Best heroes para gumamit ng Dire Hit
- Natalia
- Kadita
- Saber
- Hilda
- Masha
- Grock
- Khufra
- Johnson
- Nana
- Selena
- Gatotkaca
- Novaria
Upang agad na ma-unlock ang iyong napili mula sa roaming blessings sa Mobile Legends, mahalaga na panatilihin ang mas mababang bilang ng gold kaysa sa iyong mga kasamahan. Ibig sabihin nito, iwasan ang mga minion wave kapag walang mga kaalyado sa paligid, maliban sa mga pagkakataon kung kailangan mong depensahan ang isang turret.
Dapat ka ring mag-focus sa pagkakaroon ng assists kaysa sa mga kills, dahil ang pag-kill steal ay maaaring magpagulo sa balanse ng gold at maantala ang pag-unlock ng roaming blessings. Maliban kung maalam ka sa two-roam meta, karaniwang mas mabuti na mayroon lamang isang manlalaro na may roaming equipment sa iyong koponan.
Para sa iba pang balita at guides tungkol sa gaming at esports, i-like at i-follow ang ONE Esports Philippines sa Facebook.
READ MORE: Patumbahin si Alucard gamit ang 3 hero na ‘to sa Mobile Legends
