In-update nitong Disyembre 14, 6 p.m. (GMT+8): Nagdagdag ng mga kaugnay na guide.
Si Moskov ang isa sa pinakamalakas na marksman hero ngayon sa Mobile Legends: Bang Bang.
Matapos makatanggap ng buffs sa MLBB Patch 1.6.18, naging paborito ng solo players ang Spear of Quiescence dahil sa pagiging solidong gold laner nito na kayang bumuhat ng isang laro.
Mabuti na lang at maraming kahinaan ang marksman hero na ito na maaaring maabuso gamit ang mga tamang hero. Narito ang best counters sa naturang MM sa Land of Dawn.
3 pinakamabisang hero na pangontra kay Moskov sa MLBB
Eudora
Kung gusto mong manalo sa isang laro na may kalabang Moskov, kailangan mong pumili ng hero na kayang mag-dominate sa early game. At swak swak sa paglalarawang ito si Eudora.
Ang rason kung bakit isa sa best counters sa marksman ang mage hero na ito ay dahil kaya niyang ma-one-shot ang marksman o kahit sinong malambot na hero.
Kapag naabot na niya ang level 4, kaya niyang patayin ang mga malalambot na kalaban gamit ang kanyang Ball Lightning, Forked Thunder at Thunder’s Wrath combo. Kahit ang stun niya lang ay kayang ma-set up ang kanyang kakampi na patumbahin siya at pigilan ito na makagamit ng Abyss Walker.
Lesley
Itinuturing si Lesley bilang tanging pangontra kay Moskov sa gold lane dala ng magagandang rason. Isa siya sa may pinakamahabang attack range sa laro kaya ligtas siya sa maiksing range ng Spear of Quiescence.
Nagiging untargetable din siya dahil sa kanyang Master of Camouflage at mabisa ito laban sa kanya na dumedepende sa kanyang basic attacks. At panghuli, kaya niya itong takasan gamit ang Tactical Grenade.
Dahil sa mga ito, ‘di maikakaila na isa si Lesley sa best counters sa Spear of Quiescence. Kaya kung gusto niyo na magsisi ang inyong kalaban sa pagpili nito, i-lock niyo si Lesley.
Chou
Kinokonsidera bilang isa sa pinaka-flexible na hero sa Land of Dawn, si Chou ay isang solidong pick laban sa mga short-range marksman gaya ni Moskov.
Kayang-kaya niyang mag-close ng gap gamit ang Jeet Kune Do at i-cancel ang knockbock effect ng Spear of Misery.
Ang tanging downside lang sa paggamit ng Chou ay mahirap siyang laruin kung ikaw ay isang baguhan pa lamang sa laro. Pero ‘pag na-master mo na ito at nagamit ang todong potensyal ng kanyang abilities, siguradong mapapatunayan mo na isa si Chou sa best counters sa kanya.
Para sa mas marami pang MLBB guides tulad nito, pwede niyong i-like at i-follow ang ONE Esports Philippines sa Facebook.
BASAHIN: Swak ang bagong item na Starlium Scythe sa mages na ito sa Mobile Legends
