Ang DPC SEA Regional Finals ang huling kompetisyon na lalahukan ng top four teams sa naganap na Dota Pro Circuit Tour 1 Southeast Asia Division 1.
Nakataya rito ang karagdagang US$100,000 (mahigit P5 milyon) prize pool at 380 DPC points.
Bagamat hindi inaasahang umakyat sa Division 1 matapos ang pagka-ban ng Omega Esports, pinatunayan ng BOOM Esports na sila ang hari ng SEA Dota nang tumikada sila ng 6-1 series win-loss record sa loob ng anim na linggong sagupaan sa liga.
Sumunod sa BOOM ang Fnatic, T1 at Team SMG na may pare-parehong 5-2 records at sumabak sila sa isang serye ng tiebreakers para malaman ang kanilang huling standings at seeds sa darating na Regional Finals.
Ano ang DPC SEA Regional Finals?
Ginulat ng Valve ang mundo ng Dota 2 nang biglang inanunsyo nito ang kanselasyon ng Winter Major dahil sa mas pinahigpit na travel restrictions sa iba’t-ibang parte ng mundo dulot ng mga lumalabas na panibagong strain ng COVID-19, kabilang na rito ang Omicron variant.
Bilang pamalit, inilunsad ng Valve ang Winter Regional Finals sa anim na DPC regions kabilang na ang Southeast Asia.
Schedule at mga resulta sa DPC SEA Regional Finals
Ang torneo ay gaganapin mula sa ika-11 hanggang ika-13 ng Pebrero.
Ang oras ng mga laban sa ibaba ay nakabase sa GMT+8 na time zone.
February 11
Upper Bracket Round 1
| KOPONAN | RESULTA | KOPONAN |
| BOOM Esports | 2-0 | Team SMG |
| Fnatic | 1-2 | T1 |
February 12
Lower Bracket Round 1
| KOPONAN | RESULTA | KOPONAN |
| Fnatic | 0-2 | Team SMG |
Upper Bracket Final
| KOPONAN | RESULTA | KOPONAN |
| BOOM Esports | 1-2 | T1 |
February 13
Lower Bracket Final
| KOPONAN | RESULTA | KOPONAN |
| BOOM Esports | 2-1 | Team SMG |
Grand Final
| KOPONAN | RESULTA | KOPONAN |
| T1 | 1-3 | BOOM Esports |
Format ng DPC SEA Regional Finals
Magsasalpukan ang top four teams sa best-of-three matches sa ilalim ng double elimination format.
Ang Grand Final ay nakatakdang paglabanan sa isang best-of-five series.
Mga koponang kasali sa DPC SEA Regional Finals
| DPC SEA TOUR 1 DIVISION 1 STANDINGS | KOPONAN |
| 1st | BOOM Esports |
| 2nd | Fnatic |
| 3rd | T1 |
| 4th | Team SMG |
Prize at DPC point pool ng DPC SEA Regional Finals
Nakataya sa DPC SEA Regional Finals ang kabuuang prize pool na US$100,000 (mahigit P5 milyon) kasama pa ang sumatotal na 380 DPC points na kinakailangan para makakuha ng direct invite sa The International.
| PLACE | KOPONAN | DPC POINTS | PRIZE MONEY |
| 1st | BOOM Esports | 250 | US$50,000 |
| 2nd | T1 | 130 | US$25,000 |
| 3rd | Team SMG | 0 | US$15,000 |
| 4th | Fnatic | 0 | US$10,000 |
Saan mapapanood ang DPC SEA Regional Finals
Mapapanood ang DPC SEA Regional Finals sa opisyal na Twitch channel ng Beyond The Summit.
I-like at i-follow ang ONE Esports Philippines sa Facebook para sa mga karagdagang balita at istorya patungkol sa DPC Regional Finals sa iba’t-ibang rehiyon.
Hango ito sa artikulo ni Dexter Tan Guan Hao ng ONE Esports.
