MSC 2022: Kumpletong roster ng bawat koponan

Ang Mobile Legends: Bang Bang Southeast Asia Cup 2022 (MSC 2022) ang pinakamalaking MLBB tournament sa naturang rehiyon ngayong taon.

Labindalawang koponan ang magbabakaban para sa lion’s share ng US$300,000 (halos PHP16 milyon) prize pool at titulo bilang hari ng SEA pagdating sa MLBB.

Narito ang kumpletong roster ng bawat koponan na kasali sa papalapit na MSC 2022.

Ang kumpletong roster ng bawat koponan sa MSC 2022

RSG PH (Pilipinas)

Bagamat naglagay sila ng batang lineup, ginulat ng RSG PH ang MPL PH Season 9 sa pamamagitan ng kanilang dominanteng laro sa regular season at playoffs patungo sa kampeonato.

Sa gabay ng beteranong si Brian “Coach Panda” Lim at coach Karl “Giee” Barrientos, susubukan nilang ipagpatuloy ang kanilang winning ways sa MSC 2022 kontra sa mga malalakas na kalaban mula sa Indonesia, Singapore at Malaysia.

Smart Omega (Pilipinas)

Limang manlalaro ng Smart Omega ang nagmula sa MSC 2021 champion team na Execration. Handa na si MSC 2021 MVP Duane “Kelra” Pillas at kanyang mga kakampi na depensahan ang kanilang trono laban sa mga bago at datihan nang katunggali sa rehiyon.

Sasabak naman sa unang pagkakataon sa MSC ang isa sa rising junglers ng MPL PH na si Dean Christian “Raizen” Sumagui.

RRQ Hoshi (Indonesia)

Papasok ang reigning MPL Indonesia king na RRQ Hoshi sa MSC 2022 dala ang kanilang star-studded lineup na pinangungunahan nila Rivaldi “R7” Fatah at Albert Nielsen “Alberttt” Iskandar. Ngayong may apat na silang tropeo, siguradong isesemento ng kampeonato sa MSC ang kanilang titulo bilang isa sa pinakamalakas na organisasyon.

ONIC Esports (Indonesia)

Nasa listahan din ng ONIC Esports ang ilang local at international achievements sa MLBB competitive scene, kabilang na ang MSC 2019, MPL ID Season 8 at ONE Esports MPL Invitational 2021. Ilan sa mga kilalang manlalaro ng koponan sila MPLI 2021 MVP Gilang “SANZ” at MPL ID S8 Playoffs MVP Muhammad Satrya “Butss” Sanubari.

Todak (Malaysia)

Isasabak ng Todak ang kanilang beteranong lineup sa MSC 2022. Matapos ang paldyadong kampanya sa 31st SEA Games na pinangibabawan ng SIBOL MLBB team ng Pilipinas, susubukan naman ng defending MPL Malaysia champs na makabawi at kuhain ang kauna-unahang international title ng organisasyon.

Orange Esports (Malaysia)

Nakikipagsagupaan na ang Orange Esports mula pa noong MPL MYSG Season 5 at itinuturing sila bilang isa sa pinaka-consistent na koponan sa Malaysia. Ngunit, napwersa silang magsagawa ng mga pagbabago sa kanilang roster dahil sa tatlong magkakasunod na third-place finishes.

Pagdating ng MPL MY Season 9, nakakuha sila sa wakas ng second place at kasama nito ang slot sa MSC 2022.

RSG SG (Singapore)

Matapos kapusin kontra sa EVOS SG sa dalawang magkasunod na beses, naselyo rin sa wakas ng RSG SG ang inaasam na kampeonato sa MPL SG Season 3.

Masusubukan ang kanilang chemistry pagsapit ng MSC 2022 dahil hindi makakasama sila Ming “Sana” Brandon and Bellamy “Lolsie” Yeov.

EVOS SG (Singapore)

May tsansa ngayon ang EVOS SG na makabawi matapos silang pauwiin ng Impunity KH sa first round ng playoffs sa MSC 2021. Ngayong taon, magkasama ang dalawang koponan sa group stage pa lang.

Ngayong nagbabalik si Stefan Chong “Soul” Ru Chyi at umaangat si Adam “Adammir” Chong bilang isa sa pinakamagaling na gold laner sa pro scene, nakakasabik makita kung hanggang saan ang maaabot ng koponang ito sa MSC 2022.

Impunity KH (Cambodia)

Pinatunayan ng Cambodian squad na isa sila sa top-caliber teams dahil sa kanilang pagkwalipika sa MSC 2021 playoffs kahit pa sila lang ang non-MPL team noon. Halos hindi nagbago ang kanilang roster, maliban kay Pich “Wightnite” Sopheak na lumipat sa See You Soon.

See You Soon (Cambodia)

Unang nakilala ang See You Soon noong nagwagi sila sa MPL PH Season 1 kontra sa fan-favorite na Impunity KH at DG Quantum.

Ito ang ikatlong beses na sasabak sila sa international level matapos makasali sa ONE Esports MPLI 20-21 at M3 World Championship.

Falcon Esports (Myanmar)

Ang Falcon Esports ang kampeon ng Myanmar Qualifier ng MSC 2022. Karamihan sa kanilang mga manlalaro ay nanggaling sa Ronin Esports, isang squad na sinorpresa ang ilang koponan sa ONE Esports MPL Invitational 2020.

Sa torneong iyon, pinatumba nila ang powerhouse teams na Execration at EVOS SG sa playoffs bago tuluyang matalo sa kapwa Myanmar squad na Burmese Ghouls sa quarterfinal.

IDONOTSLEEP Esports (Thailand)

Nakipagsalpukan ang kauna-unahang MSC champion org na IDONOTSLEEP sa Mekong Qualifier laban sa mga koponan sa Thailand, Vietnam at Laos upang makuha ang huling spot sa MSC 2022.

Ang kanilang roster ay binubuo ng mga manlalarong sumabak ng sa MSC noong nakaraang taon, dagdag pa sila sun x aompak at Angelina sa darating na kompetisyon.

Magsisimula ang group stage ng MSC 2022 sa ika-11 ng Hunyo.

Manatiling nakatutok sa mga kaganapan sa torneo sa pamamagitan ng pag-like at pag-follow sa Facebook page ng ONE Esports Philippines.