Kumpletong listahan ng mga roster sa MPL PH Season 9

Nalalapit na ang pagsisimula ng inaabangang Mobile Legends: Bang Bang Professional League Philippines (MPL PH) Season 9.

Susubukan ng M3 world champion at SIBOL representative Blacklist International na makamit ang makasaysayang three-peat sa MPL PH laban sa pitong mabibigat na koponan.

Narito ang listahan ng mga roster sa MPL PH Season 9 kabilang ang role ng bawat player sa kani-kanilang koponan.

Kumpletong listahan ng mga roster sa MPL PH Season 9

Blacklist International

Papasok ang Blacklist International sa kanilang ikalawang MPL PH title defense nang wala ang kanilang iconic duo na sina Johnmar “OhMyV33nus” Villaluna at Danerie James “Wise” Del Rosario.

Dahil dito, binalik ng Blacklist ang beteranong player na si Jayson “ESON” Gerardo at ang rookie na si Kent Xavier “KEVIER” Lopez.

ONIC PH

Tanging ang ONIC PH lang ang nag-retain ng kanilang roster para sa darating na MPL PH Season 9. Buong ang tiwala ni head coach Denver “Yeb” Miranda sa kanilang lineup kaya wala silang binago.

Kaabang-abang kung ano ang ipapakita ng hedgehog squad ngayon season lalo na’t wala ang V33Wise tandem ng kanilang karibal na Blacklist International.

Omega Esports

Nagpasok ang Omega Esports ng dalawang amateur standout sa kanilang roster–isang desisyon na naging maganda para sa kanila sa mga nakaraang season. Ilan sa mga patunay nito sina Duane “Kelra” Pillas at Dean Christian “Raizen” Sumagui.

Tampok ang perpektong blend ng veterans at rising stars, nakikitang mabigat na title contender ngayon ang Omega Esports.

Nexplay EVOS

Nagtapos ang “Big 3” era ng Nexplay EVOS na nagsimula noong MPL PH Season 6 matapos ang paglisan ni Tristan “Yawi” Cabrera na umanib sa ECHO.

Nagpasok ang NXP ng limang rookies para punan din ang mga pwestong iniwan nila James “Jeymz” Gloria at Sanford “Sanford” Vinuya. Puno man ng baguhan ang lineup ng NXP, sigurado namang magpapasiklab ang kanilang mga beterano para mabigyan ng saya ang kanilang fans sa darating na Season 9.

ECHO

Salungat sa mindset ng ONIC PH papasok sa panibagong season, gumawa ng pasabog na roster changes ang ECHO noong offseason. At ang pinakamalaki sa mga ito ay ang pagkuha nila kay M2 World Championship MVP Karl “KarlTzy” Nepomuceno.

Maraming analyst ang nagsasabi na isang super team ang ECHO, ngunit magagawa kaya nilang ayusin ang kanilang chemistry para sa paparating na season?

RSG PH

Dinagdag ng RSG PH ang ex-TNC Pro Team players na sina Dylan “Light” Catipon at Clarense “Kousei” Camilo para sa MPL PH Season 9. Bagamat ‘di kalakihan ang mga pagbabagong ito, masasabi namang may angking lakas na ang RSG PH noong nakaraang season pa. Maaaring ang mga adjustment na ito ang magpapataas pa ng kanilang lebel.

Siguradong maganda ang maidudulot ng pagpasok nila Light at Kousei sa veteran-laden squad lalo na’t napagpasyahan ni Christian “Iy4knu” Manaog na magpahinga muna.

Bren Esports

Napilitan ang Bren Esports na magpatupad ng mahahalagang adjustments dahil sa desiyon ni CJ “Ribo” Ribo na magpahinga muna at pag-alis ni KarlTzy sa koponan para sa ECHO.

Sa halip na kumuha ng mga beterano mula sa ibang MPL PH teams, ni-recruit ng M2 world champion squad ang ilang manlalaro ng amateur team na ArkAngel. Bagamat pwede nating ituring na nasa rebuilding stage ang M2 champs, hindi pa rin malabo ang tsansa na magpakitang-gilas sila sa liga.

TNC

Bumagsak sa last place ang TNC noong Season 9 kaya naman naisipan ng koponan na bumalik sa drawing board. Noong offseason, tinanggal nila ang halos lahat ng kanilang players maliban kina Daniel “SDzyz” Chu (kilala rin bilang Chuuu) at Ben “Benthings” Maglaque.

Nais ng TNC na bumuo ng panibagong pundasyon matapos nilang kumuha ng apat na rookies para buuin ang kanilang six-man roster sa Season 9.

Nakatakdang magsimula ang mga bakbakan sa MPL PH Season 9 sa ika-18 ng Pebrero.

Manatiling updated sa mga pangyayari sa MPL PH sa pamamagitan ng pag-like at pag-follow sa Facebook page ng ONE Esports Philippines.