Listahan ng roster changes sa MPL PH Season 10

Huling update: July 18, 2022

Pinakahuling mga update:

• Back to BLCK: V33Wise Duo magbabalik sa Blacklist lineup para sa MPL PH S10
• TNC Pro Team ML lineup sa MPL PH S10: Main cast mamamalagi sa roster, Coach 413 ipinakilala
• RSG PH roster para sa MPL PH S10: Main 5 mananatili, Perkz at 1rrad mag-dedebut
• 2 player sa bawat role tampok sa roster ng ECHO para sa MPL PH S10
• H2wo at Renejay pangungunahan pa rin ang Nexplay EVOS sa MPL PH S10
• Bren Esports kumuha ng 2 amateur players para sa MPL PH S10 roster

Sa pagtatapos ng Mobile Legends: Bang Bang Southeast Asia Cup (MSC) 2022, sunod namang tutukan ang mga bakbakan at kaganapan sa paparating na Mobile Legends: Bang Bang Professional League Philippines Season 10 (MPL PH Season 10).

Ilang mga pagbabago sa roster ng mga koponan na ang naganap at inaasahang may mga susunod pa lalo na’t aasamin nilang agawin ang trono mula sa kasalukuyang kampeon ng MPL PH at kakahirang lamang na hari ng MSC na RSG PH.

Bukod dyan, inaasahan ding nakataya sa panibagong season ang slots ng Pilipinas para sa M4 World Championship na gaganapin mula ika-1 hanggang ika-15 ng Enero ng susunod na taon sa hindi pa nilalahad na venue.

Narito ang listahan ng roster changes sa bawat koponan para sa darating na MPL PH Season 10.

(Ia-update ng ONE Esports Philippines ang listahan sa paglabas ng mga panibagong balita at anunsyo)

Roster changes sa MPL PH Season 10

RSG PH

Hinirang ang RSG PH na kampeon ng MPL Philippines Season 9 matapos nilang padapain ang Smart Omega sa iskor na 4-1 sa grand finals. Winalis naman ng Raiders ang RRQ Hoshi ng Indonesia, 4-0, upang sungkitin ang tropeo sa MSC 2022.

• July 12 – Hindi na magiging bahagi ng active roster sina roamer EJ “Heath” Esperanza at gold laner Christian “Iy4knu” Manaog sa Season 10 at pareho silang nilagay sa transfer list; dinagdag ng RSG PH sina jungler John “1rrad” Tuazon at roamer John “Perkz” Sumawan mula sa amateur scene.
• July 13 – Nilabas ng RSG PH ang kanilang roster para sa MPL PH Season 10.

Kasalukuyang roster ng RSG PH para sa MPL PH Season 10

Smart Omega

Nakuha ng Smart Omega ang runner-up finish sa MPL PH S9 upang makapasok sa MSC 2022 at subukang depensahan ang kanilang titulo bilang “Kings of SEA”. Ngunit kinapos ulit sila kontra RSG PH sa lower bracket finals at nagtapos sa top 3.

• May 28 – Inanunsyo ng Omega ang pag-alis nila substitute EXP laner Romiere “Allidap” Padilla at mid-support Jhonville “OUTPLAYED” Villar bago pa ang MSC.
• July 13 – E2MAX tampok pa rin sa roster ng Smart Omega para sa MPL PH S10 | ONE Esports Philippines

Kasalukuyang roster ng Smart Omega para sa MPL PH Season 10

TNC

Itinala ng TNC Pro Team ang kanilang pinakamalaking tagumpay sa MPL PH nang sunggaban nila ang No. 2 seed sa regular season at lumapag sa top 3 ng nakalipas na Season 9. Sa darating na MPL PH Season 10, susubukan panatilihin ng Phoenix Army ang kanilang mainit na paglipad.

• May 18 – Out na sa koponan si Vrendon “Coach V” Lin.
• July 16 – TNC Pro Team ML lineup sa MPL PH S10: Main cast mamamalagi sa roster, Coach 413 ipinakilala

Kasalukuyang roster ng TNC para sa MPL PH Season 10

ONIC PH

Galing sa kanilang na kampanya sa M3 World Championship, inasahan ng fans na magdodomina muli ang ONIC PH sa MPL PH Season 9. Ngunit hindi ito ang nangyari at nagtapos sila sa top 4. Kumpirmado na ang paglisan sa koponan ng ilang miyembro, kabilang na ang kanilang longtime player na si Gerald “Dlarskie” Trinchera at captain-support Allen “Baloyskie” Baloy.

• May 2 – Umalis si substitute roamer Ian “Beemo” Sergio
• June 20 – Wala na si Paul Denver “Coach Yeb” Miranda sa koponan
• June 24 – Pinakawalan na ng koponan si substitute tank/roamer Mico “Micophobia” Quitlong
• June 26 – Kairi kumalas sa ONIC PH
• July 4 – Kairi at Coach Yeb sa ONIC Esports, opsiyal na
• July 4 – Baloyskie at Markyyyyy pinakawalan na rin ng ONIC PH
• July 5 – End of an era: Dlar kumalas na ng ONIC PH
• July 7- Hatred kumalas na din mula sa ONIC PH | ONE Esports Philippines
• July 13 – ChooxTv tampok sa MPL PH S10 roster ng ONIC PH

Kasalukuyang roster ng ONIC PH para sa MPL PH Season 10

ECHO

Tinaguriang “super team” ng liga, pinangibabawan ng ECHO ang unang anim na linggo ng regular season ngunit sa dulo ay nalaglag sa No. 3 seed papasok ng MPL PH S9 playoffs. Nawalis ang Orca ng Smart Omega sa play-ins at natigil sa 5th-6th place.

• May 20 – Hindi na bahagi ng koponan ang mga sub na sila Mark “Hadess” Lazaro, Rion “Rk3” Kudo (mid-support) at Aaron “Aaronqt” Lim (gold laner).
• June 27 – Killuash at Rafflesia, pinakawalan ng ECHO
• July 11 – Coach Arcadia sisibat na mula ECHO
• July 15 – Nilabas ng ECHO ang kanilang roster para sa MPL PH Season 10.

Kasalukuyang roster ng ECHO para sa MPL PH Season 10

Nexplay EVOS

Sa gabay ni head coach John Michael “Zico” Dizon, gumamit ang Nexplay EVOS ng 10-man rotation sa kanilang roster ng pinaghalong veterans at rookies sa Season 9. Nagawa nilang makapasok sa play-ins ngunit agad na natanggal matapos ang mahigpit na 3-2 pagkatalo sa kamay ng ONIC PH.

• June 9 – Inanunsyo ng Nexplay EVOS ang pag-alis ni Zico, na lumipat sa MPL KH (Cambodia) team na BURN x FLASH.
• June 30 – Ureshiii out na sa Nexplay EVOS.
• July 2 – CADENZA pinakawalan na ng Nexplay EVOS
• July 3 – MP the King binitawan na ng Nexplay EVOS
• July 5 – Wala ni Hesa sa koponan.
• July 12 – Out na rin si S4gitnu.
• July 14 – Inilahad ng NXP EVOS ang kanilang kumpletong lineup para sa MPL PH S10.

Kasalukuyang roster ng Nexplay EVOS para sa MPL PH Season 10

Bren Esports

Kinuha ng Bren Esports ang players mula sa ArkAngel ngunit nahirapan pa ring makabangon ang M2 world champion team sa Season 9. Sinubukan nilang maka-comeback sa regular season ngunit sa huli ay kinapos ang kanilang tangka na makapasok sa playoffs. Nagtapos sila sa 7th-8th place tangan ang 5-9 kartada sa regular season.

• May 31 – Wala na si M2 world champion roamer Allan “Lusty” Castromayor sa koponan.
• June 2- Out na rin si Mujahid “Lord Malikk” Malik (jungler).
• July 13 – Bren Esports kumuha ng 2 amateur players para sa MPL PH S10 roster.

Kasalukuyang roster ng Bren Esports para sa MPL PH Season 10

Blacklist International

Nag-struggle ang M3 world champion at back-to-back MPL PH winner na Blacklist International sa Season 9 matapos mapagdesiyunan ng respetadong “V33Wise” duo, na binubuo nila Johnmar “OhMyV33nus” Villaluna at Danerie James “Wise” Del Rosario, na magpahinga muna sa MLBB pro scene. Bumagsak ang BLCK sa 7th-8th place hawak ang kanilang 3-11 record mula sa regular season.

Magbabalik na ang V33Wise ngayong MPL PH Season 10 at tamang-tama ang oras ng kanilang pagsabak para sa tsansang madepensahan ang kanilang world title sa M4.

Huling updates:

• July 17 – Back to BLCK: V33Wise Duo magbabalik sa Blacklist lineup para sa MPL PH S10

Kasalukuyang roster ng Blacklist International para sa MPL PH Season 10

Subaybayan ang mga balita patungkol sa roster changes sa MPL PH sa pamamagitan ng pag-like at pag-follow sa Facebook page ng ONE Esports Philippines.